இனிய ஆங்கில புத்தாண்டு வாழ்த்துகள்

தங்களுக்கும் தங்கள் குடும்பத்தினர்க்கும் எனது உளம் நிறைந்த புது வருட வாழ்த்துகளை தெரிவித்துக்கொள்கிறேன். இவ்வருடத்தில் தாங்கள் எடுக்கும் ஒவ்வொரு சிறந்த முயற்சியும் வெற்றி பெறவும் குடும்பத்தில் மகிழ்ச்சியை தரவும் இறை ஆசிகளை வேண்டிநிற்கிறேன்.

ஜாதியம்

 

உள்ளே 

சிலருக்கு மட்டும் தான் இடம்

வெளியே பலருக்கிடம்

உண்டியல்கள் நிறையும்போது

தீட்டுக்கள் கிடையாது

பூஜையில் மட்டும்

தீட்டுக்கள் ஒவ்வாது

வறுமை

கோவில்கள் தோறும்

பாலாபிசேக படையலும்

தீபாராதனைப் பூஜைகளும்

குறைவில்லை

ஆம் குறைவில்லை

தாகமும் பசியும் நிறை

ஒட்டிய வயிறுகளும் தான்

எழுதுகோல்

 

அறிவுப் பெருக்கத்தை

மனச்சிறையில் கடிகொண்ட 

சிந்தனைகள் கற்பனைகளை

உலகுக்குணர்த்த

தன் குருதி முற்றிலும் ஈந்த

தற் கொடையாளி

விண்ணும் விண் மீனும்

 

அழகழகாய் பல ஆயிரம் கோடி

வெளியாய் விரிந்து பரந்திருக்கும் விண்ணில்

கண் சிமிட்டி அசைபோடும் விண்மீன்கள்

அற்புதக் காட்சிதனை ஒவ்வொரு இரவிலும்

பசும் புற்றரையில் பாய் விரித்து

எதிர்காலக் கனவுகளை நமக்குள் மீட்டி

கனிவோடு கதைகள் பல பேசி

ரசித்தபடி கண்ணயரும் நாளுக்காய் காத்திருப்பேன்

வாராயோ என் வண்ணமயில் ஆரணங்கே

மாற்றுத் திறனாளிகள்

இயற்கை

இயற்கையின் கோரத் தாண்டவங்கள்

மனிதம் தெரியா மனிதர்கள்

கணப்பொழுதின் விபத்துகள்

காரணம் காணாத நோய்த்தாக்கங்கள்

இவற்றால்

உருவாகியவர்கள் இவர்கள்

அவர்கள் மனம் நோகா

பெயர் வேண்டுமென

புதையல் தேடுபவர்களாய்

உலக நாயகனின் ‘விக்ரம்’ திரைப்படம் இந்திய தமிழ் திரைத்துறையில் மற்றொரு பரிணாமம்

 

அறிமுகம் (Introduction)

கமல் ரசிகர்களின் நீண்ட கால எதிர்பார்ப்புக்களுக்கு மத்தியில் கடந்த ஆனி மாதம் 3ஆம் திகதியன்று உலகம் பூராக உள்ள பல திரயரங்குகளில் வெளிவந்த திரைப்படம் உலக நாயகன் கமல்ஹாசன் நடிப்பில் உருவான ‘விக்ரம்’ திரைப்படம். இந்த திரைப்படம் வெளி வந்ததைத் தொடர்ந்து பல்வேறு விமர்சகர்களால் இப்படத்திற்கான திறனாய்வுகள் வெளியிடப்பட்டு வருவது நாம் அறிந்ததே. அவர்களைப்போலவே நானும் இந்தப்படத்திற்கான திறனாய்வு ஒன்றை எழுதும்பொருட்டு எடுத்த முயற்சியின் வெளிப்பாடே இந்த கட்டுரை. சாதாரணமாக ஒரு படத்தை முதல் காட்சியிலேயே பார்க்க வேண்டும் என்ற எண்ணம் சில படங்களுக்குதான் ஏற்படும். அவ்வாறான எண்ணம் இந்தப்படத்தின் மீதும் ஏற்பபட்டதால் முதல் நாள் முதல் காட்சியை நீண்ட நாட்களுக்கு முன் முன் பதிவு செய்து பார்த்துவிட்டு வெளியே வந்தால் எப்படியும் மீண்டும் ஒரு தடவை பார்க்க வேண்டும் என்ற எண்ணம் மனதை உறுத்தி;கொண்டிருக்க இரண்டாவது மூன்றாவது தடவையும் பார்த்துவிட்டேன். இதற்கு முன் இப்படி அடுத்தடுத்து மூன்று தடவை எந்தப்படத்தையும் பார்த்ததில்லை. இதுவே முதற் தடவை ஆனாலும் இன்னும் ஒரு தடவை பார்க்கக் கிடைத்தால் பார்த்துவிடவேண்டும் என்ற ஆதங்கம் இன்னும் மனதில் உள்ளது. இந்த ஒரு விடயமே படம் எப்பேற்பட்டது என்பதை கட்டியம் கூறிவிடும். இருந்தாலும் இன்னும் சற்று ஆளமாக படத்திற்குள் புகுந்து படம் பற்றிய பல விடயங்களை ஆய்ந்து இந்த கட்டுரையை சமர்ப்பிக்கின்றேன்.

தமிழுக்காய் தமிழ் அன்னை தந்த தவப்புதல்வா (அந்தாதி)

 

தமிழுக்காய் தமிழ் அன்னை தந்த தவப்புதல்வா (அந்தாதி)

தமிழுக்காய் தமிழன்னை தந்த தவப்புதல்வா

தவமிருந்தும் கிடைத்தற்கரிய பொக்கிசமே

பொக்கிசமாய் அருளிச் சென்றாய் புதுக்கவிகள்

புதுக்கவிகளுக்கு உயிர் கொடுத்த தீரன் நீ

நீ படைத்த கவிகளாலே தலை நிமிர்ந்தோம்

நிமிர்ந்த நடையோ டெதிரியை நாம் நேர்கொண்டோம்

நேர்கொண்ட பார்வையோடு ஞானச் செருக்கும்

செருக்கோடு பாக்களாலே அகிலம் ஆண்டோhம்

ஆண்டிடுவோம் உன் அருளால் காலமெல்லாம்

காலமெல்லாம் நிலைத்திருக்கும் உந்தன் புகழ்

உந்தன் புகழ் பிரபஞ்சத்தை ஆட்சிசெய்யும்

ஆட்சி செய்யும் நின் கவிகள் என்றும் தமிழை 

பாரதியின் பிறந்ததினத்தையிட்டு சில ஹைக்கூ கவிகள்

 

பாரதியின் பாடல்கள்

புரட்சித் தீயைக்கிளப்புகிறது

மாணவர் எழுச்சி

வறுமையுடன் பாரதி

பல கவிகளை படைத்தான்

ஆஸ்தான கவிஞன்

பாரதியின் பிறந்ததினம்

விமரிசையாக கொண்டாடப்படும்

சுதந்திர தினம்

பாரதி கவிகளால் புதுமைப்பெண்கள்

நாள்தோறும் பிறக்கிறார்கள்

வறுமையுடன் குழந்தைகள்

நகைச் சுவை கலந்த சில சம்பாசணைகள் 4

 

இளமையும் முதுமையும் சந்தித்தால் என்ன பேசிக்கொள்வார்கள் என்பது பற்றிய கற்பனைகள் சில எழுத்து வடிவில் உங்கள் ரசனைக்காக

1

இளமை: என்னா பெரிசு உனக்கு தான் வயசு போச்சில்ல.. சும்மா போய் ஒரு மூலைல ஒக்காந்து ஓய்வெடுக்கிறத விட்டிட்டு எல்லா விசயத்திலயும் தலைய போட்டிக்கிட்டிருக்கே

முதுமை: நானும் உன்னைய போலதான் ஒரு காலத்தில உசாரா தான் இருந்தேன் இப்ப தான் கொஞ்சம் சோர்வாயிட்டன். அதுக்காக என்னோட உணர்வெல்லாம் போயிடுமா அது சாகும் மட்டும் இருக்கத்தானே செய்யும்

பகிடிகள் (ஜோக்ஸ்) கலந்த சில சம்பாசணைககள் 3

பரமபதம் (பாம்பும் ஏணியும்) சதுரங்கம் இரண்டும் சந்தித்தால் என்வெல்லாம் பேசிக்கொள்ளும் என்று சிந்தித்ததில் மனசில் பதிந்த சில சம்பாசணைகள் இங்கு உங்கள் ரசனைக்காக இங்கு பதிவு செய்கிறேன். சிரிப்புச் சக்ரா என்ற விருது இவ்வாறான சில பதிவுகளால் கிடைத்தது மிக்க மகிழ்ச்சி

1

பரமபதம்: ஏம்பா நீங்கள்ளாம் ரொம்ப வேஸ்டு

சதுரங்கம்: எதுக்கு அப்பிடி சொல்றே…

பரமபதம்: எவ்ளோ ஆயுதங்களும் கவசங்களும் வாகனங்களும் இதெல்லாம் வச்சுக்கொண்டு தான் உங்க சண்டித்தனமெல்லாம்… ஹா…ஹா…

சதுரங்கம்: ஆமா அதெல்லாம் இருந்தாதானே எதிரிய சுலபமா வெல்லலாம்

பரமபதம்: ஹா..ஹா.. ஏய் நம்மள பாரு.. எதுவுமே இல்ல… நம்ப பல்ல மட்டும் நம்பி எல்லா எதிரிகளையும் எதிர்க்கல்ல. அதுபோல நீயும் இருந்திட்டு போ.. இது வெக்கமா இல்ல உனக்கு உன்னோட பலத்த நம்பாம அதயெல்லாம் நம்பி இருக்கிறே

 

பகிடிகள் (ஜோக்ஸ்) கலந்த சில சம்பாசணைககள் (2)

 

பொன்னும் பெண்ணும் பேசிக்கொண்டால் எப்படி இருக்கும் என்பது சம்பந்தமான கற்பனைகளை பகடியாக உருவாக்க முனைந்ததில் கிடைத்த சில சுவாரஸ்யமான சம்பாசணைகள் இங்கு தருகிறேன். ரசிக்கக்கூடியதாக இருந்தால் அனுபவிப்பதோடு மற்றவர்களுடனும் பகிர்ந்துகொள்ளுங்கள்

பொன்னும் (நகையும்) பெண்ணும்

1

பெண்: உனக்கு நகை என்னு பேரு வச்சது தப்பா போச்சு

பொன்: எதுக்கு அப்பிடி சொல்றே. உனக்கு பொறாமை போல

பெண்: போற வாற நேரமெல்லாம் என்னப்பாத்து நகைச்சுக்கிட்டே இருக்கே

பொன்: ஆமா நகைக்க தான் செய்வன் சும்மா பாத்திட்டு போறது தானே உன் வேலை

பகிடிகள் (ஜோக்ஸ்) கலந்த சில சம்பாசணைககள்

 பகிடிகள் (ஜோக்ஸ்) கலந்த சில சம்பாசணைககள் 

வரவும் செலவும் பேசிக்கொண்டால் எப்படி இருக்கும். வேறொரு நிகழ்வில் வழங்கப்பட்ட தலைப்பிற்கு என்னால் உருவாக்கப்பட் பகிடி கலந்த சிந்தனைகள் சில. பிடித்திருந்தால் லைக் பண்ணுங்க மற்றவர்களுடன் பகிர்ந்துகொள்ளுங்கள்.

வரவு செலவு

1

வரவு: உனக்கென்ன ரொம்ப ஏறிட்டே போறே மனசாட்சியே இல்லாம

செலவு: ஹ… ஹ… உனக்கு ஏற வக்கில்ல ஏன் எங்கிட்ட ஏற வாறே

வரவு: வேற யார்கிட்ட ஏற… நீ வரவுக்கேற்றாபல இருக்கலாமில்ல

செலவு: போ.. போ… ஒன்னோடு முதலாளி கிட்ட போய் கேழு என்னை ஏத்த சொல்லி

வரவு: நல்லா சொன்னே… வாரதும் போய் பிச்ச பாத்திரம் தான் தூக்கனும்

செலவு: ஆகா… அது நல்ல ஐடியாவாச்சே… ட்ரை பண்ணு நான் கௌம்புறேன் 

தன் முனைக் கவிதைகள்

என்னால் எழுதப்பட்ட தன்முனைக் கவிகள் சிலவற்றை உங்கள் ரசனைக்காக இங்கு பதிவிடுகிறேன். உங்கள் கருத்துக்களையும் பின்னூட்டல்களையும் ஆவலுடன் எதிர் பார்க்கிறேன்.

1

இருவரும் பயணிக்க வேண்டிய

தொலை தூரப் பயணம்

உனக்கு கிடைத்தது பயணச்சீட்டு

நினைவுகளோடு வரும்வரை நான்

2

தையல்ஊசி விற்கிறான்

பாதையோரத்து வியாபாரி

தன் காற்சட்டை கிளியலை

கையால் மறைத்தபடி

அப்துல் கலாம் நினைவாக

 

அப்துல் கலாம் அவாகளின் பிறந்த தினத்தையிட்டு எழுதப்பட்ட மூவரிக் கவிகள் சில

1 

மனதை தூண்டும் பேச்சு

ஆயிரம் கனவுகள் காணும்

வாலிபக் கூட்டம்

பிள்ளை மனம் கலங்குதென்றால்…..

 

பிள்ளை மனம் கலங்குதென்றால்…..

மெல்ல சூரியன் தன் கதிர்களை பிரகாசிக்க ஆரம்பித்திருந்தான். வானம் செக்கச் செவேலென சிவந்து இருந்தது. முகில் கூட்டங்கள் அவசர அவசரமாக சூரியக்கதிர்களை கடந்து சென்றுகொண்டிருப்பது அவற்றின் நிழல் பூமியில் படுவதில் தெரிந்தது.

அன்று தீபாவளி பண்டிகை நாள். சூரியாவின் வீட்டில் எல்லோரும் காலை நேரகாலத்தோடு எழும்பிவிட்டார்கள். தீபாவளி என்றால் சொல்லவா வேண்டும் எல்லா வீடுகளிலும் கொண்டாட்டம் தடல்புடலாகத்தானே இருக்கும். அதே தடல்புடலும் கலகலப்பும் தான் சூரியாவின் வீட்டிலும்.

முக்கியமான விடயம் என்னவென்றால் கொரோனா என்ற கொடிய நோய் அரக்கன் காரணமாக கடந்த வருடம் தீபாவளிப் பண்டிகையை யாருக்குமே கொண்டாட கிடைக்கவில்லை. அந்த உலக நாடுகள் அனைத்தையும் பதம் பார்த்து தனது கோரத் தாண்டவத்தை ஆடிக்கொண்டிருந்த தருணம். அது நம் நாட்டையும் பாரிய அளவில் பதம் பார்த்துக்கொண்டிருந்தது.

ஹைக்கூ கவிகள் சில

1

தேசம் வங்குரோத்தில்

பசியோடு தெருவில் மக்கள்

அவசரகால சட்டம் பிரயோகம்

சாதி

 சாதி

சாதிகள் இல்லை என்றால்

சாதி என்றால் என்ன

வினவும் மழலைக்கு விளக்க 

போதனை தொடங்குகிறது

பாதை

பாதை

தொலை தூரத்தில்

உள்ளது கோயில்

பாதை உன் வீட்டில்

தொடக்கம்

 

மண் வாசனை

 மண் வாசனை

தூறல்களான முதல் முத்தத்தில்

நனைந்து போனேன்

வெளிப்படுத்தினேன் என் வாசனையை

முழுதாய் அணைத்துக்கொண்டாய்

மழையும் நிலமும்

மழையும் நிலமும்

உன் ஸ்பரிசம்

என்னில் பட்டதும்

குளிர்ச்சியடைந்தேன்

உஷ்ணம் தணிந்தது 

நிம்மதி

நிம்மதி

ஒரு போதும் 

தொலைந்து போகாத ஒன்றை

தொலைந்து போனதாய் 

தேடுகிறாய் செல்லிடமெல்லாம்

உன்னுள்ளே வைத்துக்கொண்டு

சாதி

 

சாதி

எங்கும் சாதிகள் இல்லை 

கற்பித்தல் தொடர்கிறது

“நமது நாட்டில் சாதியமைப்பு முறைகள்”;

கல்விக் கூடங்களில்

ஆய்வுத் தலைப்பு

நிலவும் மீனும்

 

நிலவும் மீனும்

நீச்சலடித்து மேனியைக்

குளிர்விக்கவென்று

ஆகாயத்தினின்று இறங்கி 

குளத்தடியை நாடி வந்த அவளை 

முண்டியடித்துக்கொண்டு முத்தமிடவும் 

சுவைத்துப் பார்க்கவும்

பாய்ந்து மேனியெங்கும் படரவும்

போட்டிபோடும் நீங்களும்

மனிதர்களைப்போலவே

இலக்கை நோக்கி

 

இலக்கை நோக்கி

தொடர்ந்து சிந்தித்தேன்

சிந்தனைகளை உருவகித்தேன்

உருவகித்தவற்றை தேடினேன்

தேடிக்கொண்டே ஓடினேன்

நெடுந்தூரம் ஓடிவிட்டேன்

நான் உருவகித்த 

இலக்கை கண்டடைய

இன்னும் ஓடுவேன்

மிக அருகில் 

நெருக்கடிகள் நமக்கு புதியதல்ல புதிருமல்ல

 நெருக்கடிகள் நமக்கு புதியதல்ல புதிருமல்ல

பத நீரில் இனிப்பை

சுவைக்கத் தெரிந்துகொண்டோம்

மரவள்ளி அவியலில்

காலை உணவு கண்டோம்

தேங்காய் சொட்டோடு

பயறும் உழுந்தும் சேர்த்தே

ஒடியல் சத்துணவு கண்டோம்

உயிர்ப்பு

 

உயிர்ப்பு

நீர் மூன்றாம் நாள் உயிர்த்ததாய் 

பதிவுகள் பறைசாற்றுகின்றன

நீர் எப்போது மரணித்தீர்

உயிர்த்தெழுவதற்கு

உமது வாழ்வினாலும்

உறுதியான மனத்தினாலும்

உயிர் பெறச்செய்யும் போதனைகளாலும்

வல்லமை பொருந்திய வார்த்தைகளாலும்

யட்சி

 

யட்சி

நலன் விரும்பியாய்

எனை நாடி

தோழியாகி பின்

நண்பியாய் இடம் பிடித்து

என் மனையுள் நுளைந்து

என்னவனோடும் நெருக்கமாகி

கல்லாமை நன்றோ

 

கல்லாமை நன்றோ

கல்லாமை நன்றோ கல்லாமை நன்றோ

பிச்சை புகினும் கல்லாமை நன்றோ

நிலம் உழுது பயிர் வளர்த்து

அப்பன் சேர்த்த பணம்

நிலமாய் வீடாய் 

நகையாய் வாகனமாய் 

சொத்துக்களாய் வளர்ந்திருக்க

போட்டியில் பங்குபற்றிய நூல்கள் சார் பகிர்வு கலந்துரையாடல் நிகழ்வு

 போட்டியில் பங்குபற்றிய நூல்கள் சார் பகிர்வு கலந்துரையாடல் நிகழ்வு

யாசகன் செப்புகிறான்

 யாசகன் செப்புகிறான்

இல்லை என்பதைத் தவிர

என்னிடம்

வேறேதும் இல்லை

உண்டு என்று சொல்வதாயின்

இல்லையென்பதே உண்டு என்பேன்

நான் உன்னிடம் யாசகத்திற்காய்

என் கைகளையேந்துகையில்

நீ இல்லை 

என்பதைத்தானே பகர்கிறாய்

இங்கு எனக்கும் உனக்கும்

வேற்றுமை யாதோ

பணி ஓய்வு

 பணி ஓய்வு

இத்தனை காலம் 

கரங்களுக்கு ஆதாரமளித்த மேசை

என்னை சுமந்த நாற்காலி

என் கோவைகள் சுமந்த றாக்கை

பதிவுகளை தன்னகத்து வைத்திருந்த கணணி

சேர்ந்து பயணித்த பணியாளர்

கட்டளைகள் பிறப்பித்த

மேல் நிலை அதிகாரி

எனது நாட்டு மக்கள் உணவிற்காக கஷ்டப்படுகிறார்கள் அவர்களுக்கு ஏதாவது உதவுங்கள்

 எனது நாட்டு மக்கள் உணவிற்காக கஷ்டப்படுகிறார்கள் அவர்களுக்கு ஏதாவது உதவுங்கள். பிரான்ஸ் ஜனாதிபதியிடம் இலங்கைச் சிறுமியின் உருக்கமான வேண்டுகோள்

மேகா சந்திரகுமார்

இலங்கை வடமானிலத்தின் தமிழ் பெண்ணான மேகா சந்திரகுமார் பிரான்சில் வசித்து வருகிறார். இவர் அண்மையில் பிரான்சில் இடம்பெற்ற தேசிய மட்டத்திலான கணிதப்பரீட்சையில் தோற்றியிருந்தார். இந்தப் பரீட்சையில் இவர் தேசிய மட்டத்தில் முதலாம் இடத்தைப் பெற்று மிகப்பெரும் சித்தியை அடைந்து எமது நாட்டுக்கு பெருமை சேர்த்துள்ளார்.

இவரருடைய இந்த சாதனையை கௌரவிக்கும்பொருட்டு  பிரான்ஸ் ஜனாதிபதி இம்மானுவேல் மக்ரோன் (Immanuel Macron) அந்த மாணவியை அழைத்திருந்தார். அங்கு சென்றிருந்த மேகா சந்திரகுமாரிடம் உங்களுக்கு பரிசளிக்க விரும்புகிறேன் என்ன பரிசு வேண்டும் எனக்கூறுங்கள் என வினவியிருக்கிறார். அவருக்கு பதிலளித்த மேகா 'நீங்கள் எனக்கு பரிசளித்தால் நானும் எனது குடும்பமும் மட்டுமே மகிழ்சியடைவோம். ஆனால் தற்போது எனது நாட்டு மக்கள் உணவிற்காக பெரும் கஸ்டப்படுகிறார்கள். ஆகவே அவர்களுக்கு எனது பிறந்தநாள் பரிசாக ஏதாவது உதவி செய்யுங்கள்' எனக் கூறியுள்ளார்.

இவரது கோரிக்கைக்கு பிரான்ஸ் ஜனாதிபதி சாதகமான சமிக்ஞையை காட்டியுள்ளதாக தெரிகிறது. இதன்பொருட்டு பிரான்ஸ் ஜனாதிபதியால் வழங்கப்படவிருக்கும் பரிசு மிக விரைவில் இலங்கையை வந்தடையவுள்ளதாக நம்பத் தகுந்தவர்கள் மூலம் அறியக்கிடைக்கிறது. சின்னஞ்சிறு வயதில் தனது நாட்டு மக்கள் மேல் இத்துணை அதீத அன்பு வைத்திருக்கும் மேகாவிற்கு எனது வாழ்ததுக்களும் ஆசிகளும் உரித்தாகட்டும்

பெண்

 

பெண்

பெண் என்றால்

ஏன் உன்னிடம்

இத்தனை சலனம்

இத்தனை குழப்பம்

இத்தனை தடுமாற்றம்

அவளை நீ ஏன் இன்னும்

சரியாக இனம்காண மறுக்கிறாய்

விடுப்பு

 விடுப்பு

சுழன்று கொண்டிருக்கும்

காலச் சக்கரத்தில்

எத்தனை விதம் விதமான

விடுப்புக்கள் உங்களுக்கு

உங்கள் தொழில் கூடங்களில்

சாதாரண விடுப்பு, பண்டிகை விடுப்பு

சுகயீன விடுப்பு, வருடாந்த விடுப்பு

விடுப்புக்கு விடுப்பு என்று

எத்தனை விடுப்புகள்

எழுத மறந்த கவிகள்

 

எழுத மறந்த கவிகள்

பனிக் குளிரில்
அணைத்தபடி தூங்கத் தவறியது
கோடைப் பௌர்ணமியில்
நிலா பார்த்து உறங்க மறந்தது
மாரிக் கடும் மழையில்
கைகோர்த்து நீரோடு 
விளையாடத் தவறியது
கல்லூரி நாட்களில்
உன் அருகமர்ந்து
கற்க மறந்தது
ஓடும் ரயிலில் ஒன்றாய்
உறங்கலிருக்கையில்
பயணிக்க மறந்தது
நீர் வீழ்சியொன்றில்
நனையாமல் போனது
இனியொருமுறை இவை 
நிகழத்தான் கூடுமோ
கடந்து வந்த
வாழ்க்கை பயணத்தில்
நான் எழுத மறந்த
கவிகள் இவை

கனடாவில் சர்வதேச சிறுகதைத் தொகுப்பு வெளியீட்டு விழா.

 

அண்மையில் கனடாவில் இடம் பெற்ற கனடா சிறுகதை தொகுப்பு நூல் வெளியீட்டு விழா பற்றிய இந்தப்பதிவு "கனடா தமிழ் எழுத்தாளர் இணையத்தின்" தலைவரும் எழுத்தாளருமான குரு அரவிந்தன் அவர்களால் என்னுடன் பகிந்துகொள்ளப்பட்டது. அன்பு கனிந்த வாசகர்கள் நிகழ்வு பற்றி அறிந்துகொள்ளும்பொருட்டு என்னால் வைகறைத்தென்றல் பக்கத்தில் பகிரப்படுகிறது. பதிவை பகிர்ந்துகொண்ட குரு அரவிந்தன் அவர்களுக்கு எனது நன்றிகள் 

கனடாவில் சர்வதேச சிறுகதைத் தொகுப்பு வெளியீட்டு விழா.

 

‘கனடாவில் கடந்த 29 வருடங்களாக இயங்கிவரும் கனடா தமிழ் எழுத்தாளர் இணையம் உலகெங்கும் இயங்கும் இலக்கிய அமைப்புக்களின் மத்தியில் தனித்துவம் பெற்ற ஒன்றாக விளங்குகின்றது. இந்த வெற்றிகரமான அமைப்பு உலகின் பல நாடுகளிலும் வாழும் எழுத்தாளர்களிடையே சிறுகதைப் போட்டி ஒன்றை நடத்தி, அதில் பரிசு பெற்ற சிறுகதைகளை தொகுத்து சாதனை புரிந்துள்ளது. இதற்காக கனடா தமிழ் எழுத்தாளர் இணையம் பாராட்டுக்குரிய ஒரு இலக்கிய அமைப்பு என்ற வகையில் கனடா வாழ் தமிழ் மக்களும், மக்கள் அமைப்புக்களும் அதனைப் பாராட்ட வேண்டும்’ இவ்வாறு சென்ற ஞாயிற்றுக்கிழமை, ஏப்ரல் 17ம் திகதி 2022 கனடாவில் இயங்கிவரும் தமிழ் எழுத்தாளர் இணையத்தின் சிறுகதைத் தொகுப்பு வெளியீட்டு விழாவில் உரையாற்றிய ‘சிந்தனைப்பூக்கள்’ எஸ். பத்மநாதன் புகழாரம் சூட்டினார்.

இலக்கிய வெளியில் சர்ச்சையை கிளப்பிய குரு அரவிந்தனின் ‘சதிவிரதன்’

 அண்மையில் நான்கு எழுத்தாளர்களின் சிறுகதைகள் பற்றியதான இணையவெளிக் கலந்துரையாடல் நிகழ்வு ஒன்றில் பரிமாறப்பட்ட கருத்துக்கள் பற்றிய சுலோச்சனா அருண் அவர்களால் படைக்கப்பட்ட கட்டுரை இங்கு ஆய்வாளர்களிற்கு நன்மை பயக்கலாம் என்ற நோக்கத்தில் பதிவிடப்படுகிறது. இதில் வழங்கப்பட்டுள்ள கருத்துக்கள் அனைத்தும் சுலோச்சனா அருண் அவர்களுடையதே எந்த மாற்றமும் இன்றி பிரசுரிக்கப்படுகிறது.

இலக்கிய வெளியில் சர்ச்சையை கிளப்பிய குரு அரவிந்தனின் ‘சதிவிரதன்’

 சுலோச்சனா அருண்

சென்ற ஞாயிற்றுக் கிழமை (3-4-2022) இலக்கிய வெளியின் 19வது இணைய வழிக்கலந்துரையாடலில் ‘சிறுகதை நூல்களைப் பற்றிப் பேசுவோம்’ என்ற தலைப்பில் புலம்பெயர்ந்தோரின் 4 சிறுகதைத் தொகுப்புக்கள் திறனாய்வுக்கு எடுக்கப்பட்டன. முறையே வ.ந.கிரிதரனின் ‘கட்டடக்கா(கூ)ட்டு முயல்கள்’ பற்றி சு.குணேஸ்வரன், குரு அரவிந்தனின் ‘சதிவிரதன்’ பற்றி முனைவர். கோவிந்தராயூ (இனியன்), சாத்திரியின் ‘அவலங்கள்’ பற்றி தானாவிஷ்ணு, சயந்தனின் ‘பெயரற்றது’ பற்றி ந.குகபரன், ஆகியோர் உரையாற்றினார்கள். புலம்பெயர்ந்த மண்ணில் தங்கள் நேரத்தைச் செலவிட்டு இதுபோன்ற மிகச்சிறந்த சிறுகதை வடிவங்களைத் தமிழில் உருவாக்கித் தந்த எழுத்தாளர்களையும், இந்த நிகழ்வை சிறப்பாக ஒழுங்கு செய்து நடத்திய எழுத்தாளர் அகில் அவர்களையும் நிகழ்வில் கலந்து கொண்டவர்கள் பாராட்டினார்கள். சிலர், தமிழ் இலக்கியம் இன்னும் செழித்து வளர, இது போன்ற இன்னும் பல நிகழ்வுகள் தொடர்ந்தும் இடம் பெறவேண்டும் என்றும் வேண்டிக் கொண்டார்கள்.

தொடர்ந்து படிக்க இங்கே அழுத்துக

எழுத்தாளர் குரு அரவிந்தன் சிறுகதைகள் ஓர் அலசல்

 

எழுத்தாளர் குரு அரவிந்தன் சிறுகதைகள் ஓர் அலசல்

அறிமுகம்

ஐம்பதாவது ஆண்டில் காலடியெடுத்து வைக்கும் தமிழ் இலக்கிய படைப்புலகில் உலகின் பல பாகங்களிலும் புகழ்பெற்று விளங்கும் எழுத்தாளர் குரு அரவிந்தன் அவர்களுக்கு முதலில் எனது வாழ்த்துக்களையும் அவருடைய தமிழ் இலக்கியயப்பணி மேலும் பல்லாண்டுகள் சிறக்க ஆசிகளையும் தெரிவித்துக்கொள்கிறேன். எழுத்தாளர் குரு அரவிந்தன் பற்றி தெரியாத தமிழ் இலக்கிய ஆர்வலர்கள் இருக்க முடியாது. அதற்கு காரணம் தனது பல்வேறுவிதமான இலக்கியப் படைப்புக்களால் உலகளவில் பிரபல்யம் அடைந்துள்ளதோடு அங்கீகாரமும் பெற்றவர். இவர் யாழ் காங்கேசன்துறை மாவிட்டபுரம் தந்த இலக்கியச் செம்மல். நடேஸ்வராக் கல்லூரி மற்றும் மகாஜனாக்கல்லூரிகளின்; பழைய மாணவர். ஈழத்து மற்றும் வெளிநாட்டு ஊடகங்கள் பலவற்றில் இவரது படைப்புக்கள் களம்பெற்றுள்ளதோடு பல்வேறு விருதுகளையும் பெற்று சாதனை படைத்துள்ளவர். நான் படித்த இவரது சிறுகதைத் தொகுப்புக்களில் சில சிறுகதைகளை தேர்வுசெய்து அவைசார்பான எனது ஆய்வை சமர்ப்பிப்பதில் நானும் சிறிதளவு பெருமைப்பட்டுக்கொள்கிறேன்.

எங்கள் தாய் மொழி செம்மொழி வாழியவே

உலக தாய் மொழி தினத்தையொட்டி எழுதப்பட்ட எனது தாய்மொழி பற்றிய கவிதை

எங்கள் தாய் மொழி செம்மொழி வாழியவே

அகரமதில் ஆரம்பம் எங்கள் மொழி

ஆதியில் தோன்றிய மூத்த மொழி

இயல் இசை நாடகம் படைத்த மொழி

ஈசன் திருவாய் மலர்ந்த அமுத மொழி

உலகமெலாம் ஒலிக்கும் உலக மொழி

தற்காலத்தில் நூல் வெளியீட்டு நிகழ்வுகள் பற்றியதான ஒரு பகிர்வு

தற்காலத்தில் நூல் வெளியீட்டு நிகழ்வுகள் பற்றியதான ஒரு பகிர்வு

காலம் காலமாக பல்வேறு வகையான வெளியீடுகள் வெளியீட்டு நிகழ்வுகள் மூலமாக பல்வேறு எழுத்தாளர்களால் மேற்கொள்ளப்படுகின்றன. முழு நீளத் திரைப்படம், குறுந்திரைப்படம், இசைகலந்த பாடல்கள், சிறுகதைகள், நாவல்கள், கவிதைத் தொகுப்புகள் மற்றும் கட்டுரைகள் என்று வெளியீடுகளையும் அவை சார் வெளியீட்டு நிகழ்வுகளையும் அடுக்கிக்கொண்டே செல்லலாம். இவற்றுள் திரைப்படங்கள், குறுந்திரைப்படங்கள் மற்றும் பாடல்கள் தவிர்ந்த ஏனைய வெளியீடுகளில் நூல் வெளியீடுகள் முக்கிய இடம்பெறுகின்றன. நூல் வெளியீடுகளில் பல தரப்பினரும் அழைப்பிற்கு அமைவாக கலந்துகொள்வதுண்டு. அந்த வகையில் அண்மையில் எனக்கும் ஒரு கவிதை நூல் வெளியீட்டு நிகழ்வில் கலந்துகொள்வதற்கான சந்தர்ப்பம் கிடைத்தது. அந்த நிகழ்வில் கலந்துகொண்டபோது எனது மனதில் பதிந்த சில விடயங்களை வைத்துக்கொண்டு நூல் வெளியீடுகளின்போது கவனத்தில் கொள்ள வேண்டிய சில விடயங்களை புதிய மற்றும் வளர்ந்துவரும் எழுத்தாளர்களுக்கு எதிர்காலத்தில் பயனளிக்கும் பொருட்டு இந்த ஆக்கத்தை படைத்துள்ளேன்.

தைப்பொங்கல் தின வாழ்த்துக்கள்

உலகம் பூராவும் வாழும் அனைத்து தமிழ் உறவுகளுக்கும் இனிய தைப்பொங்கல் தின வாழ்த்துக்களை தெரிவித்துக்கொள்கிறேன். இந்த தைத்திருநாளோடு கூடி வரும் வருடம் முழுவதும் சகல சௌபாக்கியங்களும் கிடைத்து அமைதியும் சமாதானமும் திளைத்தோங்க வேண்டுமென வாழ்துகிறேன். 

நரேஸ்

நமக்கு இன்னும் விடியவில்லை

 இனிய நந்தவனம் இதழில் வெளிவந்த எனது கவிதை ஒன்று உங்களுக்காய் இங்கே பதிவிடுகிறேன். நன்றி இனிய நந்தவனம் மாத இதழ்.